May 24, 2024
#சினிமா #கோலிவுட்

தனுஷின் “வாத்தி” பட இசை வெளியீட்டு விழா – முழு விவரம்…

vaathi movie

தனுஷின் புதிய படமான “வாத்தி”யின் இசை வெளியீட்டு விழா விரைவில் நடைபெறவுள்ளதாக தகவல் வெளியாகி உள்ளது.

நாகவம்சியின் சித்தாரா எண்டர்டெயின்மென்ட் மூலம் தனுஷ் நடித்துள்ள தமிழ்-தெலுங்கு திரைப்படம் “வாத்தி”. இப்படம் தமிழில் “வாத்தி” (vaathi) என்றும் தெலுங்கில் “சார்” (sir) என்றும் பெயரிடப்பட்டுள்ளது.

கல்வி சார்ந்த இந்தப் படத்தின் படப்பிடிப்பு ஜனவரி 5, 2022 அன்று தொடங்கியது.

படத்திற்கு யுவராஜ் ஒளிப்பதிவாளராகவும், நவீன் நூலி எடிட்டராகவும், ஜி.வி. பிரகாஷ் இசையமைப்பாளராகவும் பணிபுரிகின்றனர்.

இப்படத்தில் தனுஷூடன் நடிகை சம்யுக்தா மேனன்,சாய் குமார், தணிகெள பரணி, சமுத்திரக்கனி, தோட்டப்பள்ளி மது, நர்ரா ஸ்ரீனிவாஸ், பம்மி சாய், ஹைப்பர் ஆதி, ஷாரா, ஆடுகளம் நரேன், இளவரசு, மொட்ட ராஜேந்திரன், ஹரீஷ் பேரடி, பிரவீணா ஆகியோர் நடிக்கிறார்கள்.

படத்தை பிப்ரவரி 17-ம் தேதி ரிலீஸ் செய்யத் திட்டமிட்டுள்ளனர்.தயாரிப்பாளர் லலித் குமார் தனது 7 ஸ்கிரீன் ஸ்டுடியோ நிறுவனம் மூலம் படத்தின் தமிழ்நாடு வெளியீட்டு உரிமத்தை பெற்றுள்ளார்.

இந்த படத்தின் இசை வெளியீட்டு விழா சென்னை சாய் லியோ நகரில் உள்ள சாய்ராம் கல்லூரியில் நாளை மறுநாள் நடைபெறவுள்ளதாக அதிகாரப்பூர்வ அறிவிப்பு வெளியாகி உள்ளது.

நடிகர் தனுஷ் நடிப்பில் அண்மையில் திருச்சிற்றம்பலம், நானே வருவேன் திரைப்படங்கள் ரிலீஸ் ஆகின. தற்போது கேப்டன் மில்லர் படத்தில் நடித்து வருகிறார்.

Leave a comment

Your email address will not be published. Required fields are marked *